Tūtina o te Fenua

Tū ana te puke motu o te Fenua Ènata i te kēkē tiu tokoàu 1400 kirometa te mamao mei Tahiti. E ono motu èkatia e te ènata (Nuku Hiva, Hiva Oa, Fatu Iva, Ua Pou, Tahuata, Ua Huka), e tau motu me te mouka, aè he akau. Me titahi tau kākaiu motu. 1274 kirometa kūea te kèitia.

Ò Nuku Hiva te motu i èià te pū hana a te Hau.

Mei io te take tai o te Moana nui o Hiva te tūtia mai o te tau motu 12 o te puke motu o te Fenua Ènata, hakatu me he tau pā keâ kiva tutū aà ma ùna o te tai nui.

HE ATA FENUA O TE MOUKA AHI

Na te metani me te auìi o te tai i haahuiìkē te hakatu o teia tau mouka ahi i mamate. Nui te tau kākaàvai fenua e momoe ana i hua tau motu me te tau kaàvai e tahe titii atu io tītahi hana aè oko te tai. E vai anatu te hakatu tumu o te tau hiku o te tai. E tihe tītahi tau mouka 1000 meta te tiketike.

TE FENUA ÈNATA : TO ÙNA ME TO ÀÒ.

U mōhani te ènata i te haapaekē i te tau motu o te Fenua Ènata e ùa puke : to ùna me to àò. O Nuku Hiva, Ua Pou, Ua Huka, Eiao, Hatutu, Motu One me Hautu Iti i te kēkē tiu. O Hiva Oa, Tahuata, Fatu Hiva, Mohotane me Fatu Uku i te kēkē kanauu. Te puke motu, Te Fenua enata, no te ìte a ai tātou.